Европските лидери, најверојатно в понеделник, треба да одржат итен самит за војната во Украина како одговор на загриженоста дека САД ќе ги изолираат во процесот на соработка со Русија во однос на мировните преговори.
На вонредниот самит што ќе се одржи во Париз се очекува да присуствува и премиерот на Обединетото Кралство, Кир Стармер. Во пресрет на состанокот, тој порача дека неговата земја ќе работи да ги задржи САД и Европа заедно, додавајќи дека не треба да дозволат поделбите да ги одвратат од „надворешните непријатели“.
Најавата за одржување вонреден самит, во чиј фокус ќе биде прашањето за Украина, следува откако специјалниот претставник на Доналд Трамп за Украина, Кит Келог, вчера изјави дека европските лидери ќе бидат консултирани, но нема да учествуваат во какви било разговори меѓу САД и Русија за завршување на војната.
