„ЕСПН“: Тен Хаг смета дека има време да го премисли Ретклиф

Англиските медиуми тврдат дека новиот косопственик на Манчестер Јунајтед, Џим Ретклиф, размислува за нов менаџер, но Ерик тен Хаг нема лесно да се откаже од функцијата.

„ЕСПН“ од свои извори пренесува информација според која холандскиот стручњак смета дека се уште има време да го премисли Ретклиф и да остане на функцијата и следната сезона.

Новиот спортски менаџмент досега не излегол со гаранција за Тен Хаг во однос на следната сезона, но актуелниот менаџер е убеден дека конечната одлука не е донесена и тој има доволно време да се наметне како прв избор.

Медиумите претходно шпекулираа дека Ретклиф и неговите соработници размислуваат за неколку опции, меѓу кои и актуелниот англиски селектор Герет Саутгејт, за кого наводно добиле поддршка и од неколку влијателни клупски легенди.

Фановите очекуваат интересен преоден рок во кој на сцена треба да стапат и новите директори, кои зад себе имаат многу успешни проекти, вклучувајќи го и Омар Берада кој доаѓа од Манчестер Сити.