Како што објавуваат нашите соработници и пријатели од ZaSe.mk, во идниот период тие преку повик за бесплатна обука за млади поткастери ќе го бараат најдобиот најдобриот поткасетер кој потоа ќе има привилегија да снима и објавува поткаст емисии на темата со која што ќе победи.
Во нивниот повик се вели:
Сакаш да бидеш поткастер, имаш идеја и ти треба поддршка?
Ова е твојата можност да бидеш дел од бесплатната обука за млади поткастери на ZaSe.mk и Медиум Скопје, со докажани професионалци од телевизија, радио и on-line медиуми.
Не чекај, пријави се веднаш на [email protected] со дознака „Твоето мислење е важно!“.
Испрати го твоето кратко видео (до 3 минути) најдоцна до 25.12.2023 година, каде коментираш на тема од твој интерес, поставуваш прашања на соговорник или испрати кус забавен видео сегмент со кој ќе се претставиш во најдобро светло. Предавачите ќе ги одберат 10-те кандидати со најголем потенцијал и со нив ќе работат во наредните 2 месеци.
Сите учесници на обуката ќе снимат свој подкаст, а најпопуларниот поткастер ќе добие можност да направи 12 поткаст епизоди, кои ќе бидат продуцирани, снимани и обработени во Подкаст Студио, и објавени на порталот ZaSe.mk и неговите социјалните мрежи.
Право на учество имаат лицата од 15 до 35 години. Помладите од 18 години, треба да побараат одобрение и препорака од своите родители за да се пријават на обуката.