Во Шангај денес избувнаа протести поради воведување локдаун како мерка за спречување на ширењето на коронавирусот, нагласуваат очевидци во изјави за западни медиуми, додека во Кина расте гневот против „нулта ковид“ политиката што владата ја спроведува речиси три години.
Во видео на интернет, а кое според AP е снимено на улица во центарот на Шангај, стотици демонстранти извикуваат „Си Џинпинг оставка“ и ја осудуваат Кинеската Комунистичка партија.
Друго видео покажува луѓе собрани во центарот на Шангај за да им оддадат почит на десетте загинати во пожар во Урумчи во западниот регион Синџијанг. Во бројни извештаи на социјалните мрежи во Кина, се укажува дека настаните биле влошени од ковид мерките бидејќи тие го забавиле пристигнувањето на потребната помош.
Властите ја ограничија и онлајн дискусијата за демонстрациите.