„Да беше телото во близина, ќе го најдеа“: Најпознатиот српски полициски инспектор тврди дека има само едно решение за да се најде Данка Илиќ
Помина 15-от ден откако српската полицијата неуморно работи на расветлување на случајот со убиството на девојчето.
Осомничените за убиството на девојчето Данка Илиќ имаа доста време да го пренесат телото на подалечно место, а смртта на еден од осомничените кој помогна, дополнително ги усложнува работите. Искрено, единственото решение го гледам во нивното признание, вели за Телеграф.рс поранешниот началник на белградската полиција Марко Ницовиќ.
Ние сме на 15-ти ден откако полицијата неуморно работи на расветлување на случајот со убиството на девојчето Данка Илиќ (2), кое исчезна на 26 март и кое, се верува, е убиено истиот ден.
Поради ова кривично дело, полицијата уапси двајца осомничени – Дејан Д. и Срѓан Ј., на кои минатата недела им е изречена мерка притвор до 30 дена. Во петокот, на 5 април, приведени се Д.Д. и Р.Д., брат и татко на осомничениот Дејан, поради сомнение дека му помогнале да го пренесе телото на девојчето на друга локација.
-Детето да беше скриено некаде во близина, сигурен сум дека полицијата досега ќе го најдеше. Вака сè се комплицира, бидејќи нема тело. Од друга страна, по смртта на братот на осомничениот, кој и самиот е осомничен дека учествувал, се отежнува сè, како и нивните изјави, па имаме приказна која трае и продолжува. Полицијата си ја работи работата, но што се однесува до мене лично, од моето искуство ќе кажам дека признанието е единственото решение, вели Ницовиќ.
Зошто не му помогнаа на детето
– Во моментите на страв, кога нешто ќе се случи одеднаш, луѓето постапуваат поинаку. Овде имаме луѓе за кои велат дека немале никакви инциденти, биле мирни, повлечени и се поставува прашањето како можеле да удрат дете и да не му помогнат. Во тие моменти кога ќе се случи нешто, луѓето прават се во паника, сакаа да се обезбедат што побрзо. Затоа е важно да се извлече признание, да се најде телото за да се оди како што треба на суд, кога, за жал, веќе заврши најтажното што може, вели Ницовиќ за Телеграф.рс.
Што ако не го најдат телото
Претседателот на Центарот за обнова на меѓународното право, Горан Петронијевиќ денеска по повод убиството на двегодишното девојче Данка Илиќ изјави дека може да се утврди што се случило со други методи како што се сведоштвата, материјални траги, ДНК анализи, траги од крв, траги на автомобилот и патот и доколку не се најде телото на девојчето.
Тој посочи дека најсигурен доказ ќе биде пронаоѓање на телото и утврдување на причината за смртта.
-Денес техниките на докази и форензиката отидоа дотаму што некои работи може да се утврдат врз основа на сателитски снимки, ДНК анализа, траги од коса…, изјави тој за Танјуг.
Во населбата Бор и денеска, седми ден од апсењето на осомничените за убиството на двегодишната Данка Илиќ, на терен продолжува потрагата по телото на девојчето, кое главно се наоѓа на селото Злот и околината на куќата на Д.Д., еден од осомничените за убиството на девојчето.
Припадници на Управата за криминалистичка полиција (УКП) од Белград и Бор вршат увид во околината на куќата на Д.Д., испразнет е резервоарот за вода и претресен, а потоа коритото на блискиот поток.
