Германскиот министер за транспорт Фолкер Визинг најави дека целта поврзана со зелената агенда потенцијално може да се исполни преку рестриктивни мерки кои тешко се соопштуваат на јавноста, вклучително и забрана за возење во одредени периоди во сабота и недела.
Визинг испрати писмо до парламентот и изјави дека драстични мерки се неизбежни доколку законот за климата не се исполни барем за викендите.
Емисиите на штетни гасови во Германија се намалени во текот на минатата година на најниско ниво во последните седум децении, но во сообраќајот се уште не се исполнети зацртаните цели, пишува Б92.
Според сегашниот закон, индустриите во Германија мора да ги намалат штетните емисии за 65 отсто помеѓу 1990 и 2030 година.
Затоа, Визинг сака да започне тест-акција со која ќе се осигура дека, доколку планираните реформи не бидат одобрени во парламентот до 15 јули, министерството ќе биде принудено да усвои мерки кои ја вклучуваат контроверзната забрана за возење за време на викендот.