Свет
Министрите за надворешни работи на Германија и Велика Британија го повикаа Израел да се воздржи од ескалација
Британскиот министер за надворешни работи, Дејвид Камерон, и германската министерка за надворешни работи, Аналена Баербок, денеска се сретнаа со израелските лидери во Ерусалим за да изразат солидарност по иранскиот напад и да повикаат на одмерен одговор за да се избегне ескалација на тензиите.
Дванаесет дена по израелскиот напад на иранскиот конзулат во сириската престолнина Дамаск, во кој загинаа седум ирански војници, меѓу кои тројца генерали, Иран во саботата вечерта возврати со напад на израелска територија со беспилотни летала и проектили.
Ова е прв напад врз Израел од иранска територија. Иран претходно предупреди дека ќе има напад како одмазда за нападот во Дамаск.
Дејвид Камерон и Аналена Баербок се првите странски дипломати, кои патуваат во Израел по нападот. Прво, тие разговараа со претседателот на земјата, Исак Херцог, кој го повика целиот свет преку платформата „Икс“ одлучно да се вклучи против заканата што ја претставува иранскиот режим, кој сака да ја поткопа стабилноста во целиот регион“.
Тие разговараа и со нивниот израелски колега Израел, Кац. Камерон изјави за британската телевизија дека сака земјите членки на Г7 да воведат координирани санкции против Иран и ја обвини таа земја дека стои зад многу злонамерни активности во регионот.
Тој посочи дека шефовите на дипломатиите на седумте економски најразвиени земји членки на Г7, кои оваа недела се состануваат во Италија, мора да испратат јасна и недвосмислена порака до Иран.
„Се надеваме дека Израел ќе реагира на начин што минимално ќе придонесе за ескалација на тензиите, на начин што е и интелигентен и одлучувачки“, додаде британскиот министер.
Оваа недела германскиот министер се залагаше ЕУ да воведе нови санкции за иранските беспилотни летала. Посочувајќи дека Израел може да смета на „целосната солидарност на Германија“, Баербок исто така рече дека сака да разговара со израелските лидери како да се „избегнат понатамошна ескалација“ на тензиите во регионот.
Вчера, британскиот премиер Риши Сунак изјави дека ескалацијата „не е во ничиј интерес“ и во телефонски разговор го повика својот израелски колега Бенјамин Нетанјаху да дејствува разумно и со ладна глава. Израел е решен да го натера Иран „да ја плати цената за агресијата“, иако речиси сите ирански 350 беспилотни летала и проектили беа пресретнати со помош на САД и другите сојузнички земји, а не беше предизвикана штета и немаше човечки жртви.
Во разговорот со Камерон и Баербок, израелскиот шеф на дипломатијата, Кац, инсистира на тоа дека регионалната и глобалната стабилност не се загрозени од Израел, туку од Иран и неговите сојузници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кандидат за градоначалник во Мексико е убиен во пукање на предизборен митинг
Кандидатот за градоначалник Лусеро Лопез Маза и уште пет лица, од кои едно младо девојче, беа убиени во пукање на предизборен митинг во градот Ла Конкордија во јужната мексиканска држава Чиапас, пренесе АП.
Покрај тоа, две лица се ранети.
„Конфликтот избувна меѓу вооружени цивили за време на политички митинг“, соопшти обвинителството.
Свет
Лидерот на опозициската Напредна Словачка и неговото семејство добија смртни закани
Лидерот на опозициската Прогресивна Словачка (ПС) Михал Симецка поднел кривична пријава поради смртните закани што ги добиле неговата партнерка, ќерката и тој самиот, соопштија за словачката новинска агенција ТАСР во прес-службата на ПС.
Симецка објави дека добил неколку „конкретни и драстични“ смртни закани од „одредени луѓе“, посочувајќи дека слични закани со години биле упатени до словачката претседателка во заминување Зузана Чапутова.
Тој изрази уверување дека повеќето политичари, новинари и јавни функционери кои го изразуваат своето мислење се соочуваат со смртни закани.
Свет
Обвинителството бара притвор за атентаторот на Фицо, одлука судот ќе донесе утре
Утре судијата на Специјализираниот кривичен суд во Словачка ќе донесе одлука за притвор на осомничениот за атентатот на премиерот Роберт Фицо- Јураја Цинтула.
Надлежниот обвинител до судот веќе достави предлог за изведен притвор за 71-годишниот левичар, кој во средата по владината седница неколкупати пукаше во премиерот и тешко го рани. Обвинителот бара притвор за обвинетиот поради евентуално бегство и поради ризик од повторување на делото, изјави портпаролката на судот Катарина Куѓакова.
Цинтула беше уапсен веднаш по нападот и се соочува со обвиненија за обид за убиство од прв степен од одмазда, а се соочува со 25 години затвор, па дури и доживотен затвор. Според министерот за внатрешни работи, Матус Шутај Ешток и министерот за одбрана Роберт Калињак, нападот бил политички мотивиран, пренесува Актуалити.
Состојбата на премиерот Роберт Фицо и понатаму е сериозна и тој е на одделението за интензивна нега.