Фудбалскиот тренер на Пари Сен Жермен, Луис Енрике изјави дека сите во клубот ја чекаат одлуката на Килијан Мбапе каде ќе ја продолжи играчката кариера.
Мбапе има договор со францускиот шампион до крајот на сезоната. Тој неколку пати одби да ја продолжи соработката со клубот од Париз, но се уште не објави каде ќе ја продолжи кариерата.
„Дали Мбапе ќе остане во клубот? Сите чекаме да зборува „г-дин Килијан Мбапе. Потоа сите страни ќе го дадат своето мислење. Морам да останам смирен додека сите не го кажат своето. Како да сме во судница, а јас Јас сум само еден од сведоците, кој чека сослушување“, изјави Енрике за Movistar.
