Поради празнувањето на меѓународниот празник на трудот Први мај, ЈСП Скопје информираат дека денеска ќе сообраќаат по неделен возен ред.
Спротивно на автобусите, Жичницата на Водно ќе работи два часа подолго, а дежурни ќе бидат две билетарници. Од 7 до 14 часот ќе работат билетарниците на Транспортниот центар и во Ѓорче Петров. Распоредот за работа на Жичницата ќе се одвива во период од 10 до 20 часот, а последното возење е од 19 до 19 и 30. Работното време е согласно со Одлуката за работно време на Жичницата во период мај – септември.
По повод денешниот празник од „Паркинзи на општина Центар“ исто така известуваат дека ќе има измени. Паркиралиштата со кои стопанисува ЈП Паркинзи на Општина Центар ќе бидат бесплатни.
Редовната наплата за паркирање на паркиралиштата ќе продолжи на втори мај, односно четврток со вообичаено работно време.