Шкендија, Силекс и Работнички ја продолжуваат трката за шампионската титула со денешните натпревари од 25. коло во Првата македонска фудбалска лига.
Шкендија во Тетово е голем фаворит против АП Брера, но сето тоа ќе треба да се оправда на терен за задржување на предноста на врвот од табелата пред конкурентите за трофејот.
Силекс, пак, ќе има задача да дојде до бодовите против Тиквеш во Кратово, како и Работнички на арената “Тодор Проески“ во Скопје кој ја пречекува екипата на Беса. И двата тима се цврсто решени на атак на победа, иако е јасно дека бодовите во трката за опстанок се неопходни и за Тиквеш и Беса.
Интересен натпревар се очекува во Струга, каде Струга ТЛ ќе биде домаќин на Шкупи. Овој пат и двата тима се далеку од битка за врвот во табелата, но Струга ТЛ и дефинитивно бара можеби последна шанса за приклучок кон битката за европски излез.
ПРВА ЛИГА – 25. КОЛО (денеска, 15 часот)
Тетово: ШКЕНДИЈА – АП БРЕРА
Кратово: СИЛЕКС – ТИКВЕШ
Скопје: ГОСТИВАР – ВОСКА СПОРТ
Скопје: РАБОТНИЧКИ – БЕСА
Струга: СТРУГА ТЛ – ШКУПИ
ПРЕТХОДНО
Битола: ПЕЛИСТЕР – ВАРДАР 1-3
Керим 10′ – Закариќ 20′(п), Мато 75′, 82′
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
