Зеленски додаде дека оваа недела се подготвува суштинска работа со европските партнери на конкретни чекори на безбедносен план
Украинскиот претседател Володимир Зеленски, изјави денеска дека секој што сака стабилност во меѓународните односи треба да се движи кон вистински мир и загарантирана безбедност.
„Русија останува единствениот актер кој ја продолжува оваа војна, исмевајќи се и со нашиот народ и со светската заедница. За да ја турнеме Русија кон мир, потребни ни се силни потези и силни акции“,
посочи Зеленски во објават на социјалната мрежа Икс.
Today, we held meetings focused on diplomatic efforts. I spoke with Rustem Umerov. Yesterday there was a meeting with the U.S. team. Today, U.S. representatives spoke with the war team—that is, with representatives of Russia. After that, another meeting took place between the… pic.twitter.com/ZNNtU86ZLG
— Volodymyr Zelenskyy / Володимир Зеленський (@ZelenskyyUa) March 24, 2025
Како што наведе, Украина е подготвена да ја поддржи секоја силна иницијатива што може да ја направи дипломатијата поефикасна.
„Тоа значи дека вршиме притисок да ја принудиме Русија да сака да стави крај на оваа војна. Тоа значи санкции. Тоа значи поддршка за Украина. Тоа значи меѓународна координација“,
рече претседателот на Украина.
Зеленски додаде дека оваа недела се подготвува суштинска работа со европските партнери на конкретни чекори на безбедносен план.
Според него, значителен дел од Европа е подготвен за конкретна работа на безбедноста, што, како што вели, е добра работа.