Едно од најтешките прашања за младоженците: Колку луѓе да поканите на свадбата?

Кога планирате свадба, има задачи кои се навистина забавни, како што е дегустација на тортата. Сепак, има и такви кои можат да предизвикаат стрес, а составувањето листа на гости се издвојува како најстресно од сите.

Без разлика на тоа, сакате традиционална венчавка, која е карактеристична за овие простори, или сакате да го кажете судбоносното да во интимен амбиент – секогаш има конфликт околу списокот на гости. Во овој случај, дури и семејството се обидува да го наметне своето мислење, а балансирањето помеѓу сопствените желби и она што се очекува од вас може да биде вистинска борба.

Главното правило е дека треба да се слушате само себеси.

Експертите посочуваат кои фактори треба да ги земете во предвид при договарањето на списокот на гости на свадбата.

Поставете буџет

Ова е првото и основно правило кога се составува список на гости. На традиционалните свадби просекот е 200 луѓе, но оваа бројка може да варира, па некаде на списокот ќе има 100 луѓе, додека на традиционална словенска свадба ќе дојдат до 400 луѓе. Овие бројки не се репер, а најважно е да одредите, според буџетот, колку гости можете да поканите.

Размислете за местото

Локацијата е еден од најважните фактори при организирање на свадба и може да биде и одличен репер. Локацијата од соништата е приоритет, а ако тоа значи дека нема да можете да поканите роднини со кои не сте се слушнале или виделе со години, воопшто не треба да се чувствувате лошо поради тоа. Луѓето се сеќаваат дали добро се забавувале на свадбата, и ако немаат доволно простор да танцуваат и слободно да се движат – тоа секако ќе им остане во сеќавање.

Каква атмосфера сакате?

Одговорот на ова прашање би можел да ви помогне и при уредувањето на списокот со гости. Кога на свадба има 300 луѓе, атмосферата е многу поинаква отколку на интимна свадба со само 50 луѓе. Определете ја посакуваната атмосфера со партнерот и запомнете дека само вие имате право да одредите каква ќе биде таа.

Не претпоставувајте

Експертите истакнуваат дека ова е еден од почестите проблеми при договарањето на гостите. Семејството понекогаш советува да се поканат луѓето од учтивост – затоа што се убедени дека нема да дојдат. Оваа претпоставка може да ве стави во непријатна ситуација. Бидете цврсти за вашите желби и поставете јасни критериуми. Еден критериум што може да помогне е да поканите луѓе со кои сте слушнале барем еднаш во последните две години.