Албанската полиција соопшти дека на телото на деветгодишното девојче, кое синоќа било извлечено од реката Бојана во Скадар, не се пронајдени траги на малтретирање.
„Поради претходно изнесените информации за пронаоѓање на телото на деветгодишно дете во водите на реката Бојана, ве известуваме дека, според прелиминарното вештачење на телото, во присуство на вештаци од судска медицина, нема траги на насилство“, се наведува во полициското соопштение.
За потсетување, се верува дека девојчето скокнало во реката заедно со нејзината мајка Алма А.(39), сестрата (8) и братот (4), наводно за да се спасат од нивниот татко насилник.
Алма и нејзините деца исчезнале на 2 мај, а нејзиниот сопруг Ергиз А.(31) дури следниот ден го пријавил нивното исчезнување.
Полицијата вчера го уапсила Ергиз поради сомнение дека ги малтретирал сопругата и децата, што тој категорично негира.
Сестрата на Алма, пак, тврди дека Алма долго време била жртва на психичко и физичко насилство.
„На 03.05.2024 година граѓанинот Е.А.(31) пријавил дека ден претходно на 2 мај исчезнала неговата сопруга А.А.(39) и нивните 3 малолетни деца (9, 8 и 3 години). Посебна истрага е извршена формирана група за расветлување на причините за напуштање на станот Врз основа на спроведените истраги и полициското разузнавање, се сомнева дека причина за напуштање на станот е насилството што го извршил 31-годишникот врз неговата сопруга и децата. се сомничат дека се самоубиле на 04.05.2024 година, за сторено кривично дело самоубиство е уапсен Е.А., кој претходно бил осуден за одгледување наркотични растенија“, соопшти полицијата.
