Одлуката која треба да се донесе е храбра и тешка, но таа ќе донесе подобра иднина за нас, нашите деци и генерациите кои доаѓаат, затоа сите 120 пратеници треба да покажат државничко однесување и да бидат на ниво на задачата напиша премиерот Ковачевски по средбата со американската амбасадорка Анџела Агелер
Премиерот Димитар Ковачевски денеска оствари средба со амбасадорката на САД во земјава, Анџела Агелер, со која разговарале за поддршката од САД за европскиот пат на земјава.
„Пред нас се храбри и тешки одлуки, сите 120 пратеници треба да покажат државничко однесување, да бидат на ниво на задачата и да донесат одлука со која ќе се овозможи подобра иднина, за идните генерации, за нас, за нашите деца”,
напиша Ковачевски.
Според премиерот, пратениците се пред сѐ претставници на граѓаните, а граѓаните сакаат да живеат во ЕУ.
„Заради подобар животен стандард, заради подобро владеење на правото, подобра инфраструктура, подобри услуги за граѓаните, заради економски напредок, социјална правда, врвна демократија, заради подобар живот по европски стандарди. Затоа што сакаат децата да им останат дома и тука да си ја градат иднината. ЕУ е нашата единствена алтернатива”,
вели Ковачевски.