Аргентина е во четврт-финалето на Светското првенство и ќе игра против Холандија. „Гаучосите“ успеаја да ја победат Австралија со 2:1, која скапо ја продаде кожата и ги намачи Лео Меси и друштвото. Посебно во финишот, кога тргна по израмнување, а голманот Емилијано Мартинез ја сочува мрежата во седмата минута од судиското продолжение.
Лионел Меси во 35.минута постигна гол на својот голем јубилеј, илјадитиот натпревар во кариерата.
Во вториот дел, Хулијан Алварез ја искористи големата грешка на австралискиот голман Метју Рајан, кој дриблаше во петерецот, му ја одзема топката и зголеми на 2:0 во 57.минута.
Но, Австралија не се предаде, во 77.минута намали, откако Гудвин шутираше, а топката по блокот на Енцо Фернандез заврши во мрежата.
Аргентина имаше убави шанси за трет гол преку Лаутаро Мартинез и Лео Меси, но во финишот се закани и Австралија.
Предходно во првиот осминафинален натпревар Холандија беше подобра од репрезентацијата САД со резултат 3-1. Стрелци на головите за Холандија Депај (10 минута), на 2-0 зголеми Блинд во првата минута од судиското продолжение на првиот дел.
Во вториот дел најпрвен САД намали на 2-1 со голот на Хаџи Рајт, а конечните 3-1 ги постави холандскиот репрезентативец Дензел Дамфрис и ја потврди победата на „лалињата“.
