Според анкетата на Центарот за политички истражувања и комуникации (ЦРПЦ) направена во соработка со Здружението за новинарство, информирање, комуникации и маркетинг услуги „Глас на вистината”, спроведена телефонски во периодот од 8 до 13. април, кандидатката за претседател на Македонија на опозициската ВМРО-ДПМНЕ, Гордана Сиљановска Давкова ужива најголема доверба кај граѓаните.
За нејзе би гласале 20,4 отсто од испитаниците, а втор е актуелниот претседател Стево Пендаровски, кандидат на владејачката СДСМ, за кого би гласале 16,8 отсто од анкетираните.
Арбен Таравари од коалицијата “Вреди“ е трет со 7,9%, а по него е Бујар Османи, кандидатот на коалицијата „Европски фронт“, со 6,7%.
За Максим Димитриевски од ЗНАМ пак својот глас би го дале 2,7 отсто од анкетираните, за Билјана Ванковска, кандидатката на Левица би гласале 2,6 отсто од испитаниците, а за Стевчо Јакимовски, кандидатот на ГРОМ, би гласале 1,2 отсто од граѓаните.
Дури 18,5 отсто одговориле дека нема да гласаат за никого, а 23,2 отсто не дале никаков одговор.
Анкетата е спроведена врз 1.210 испитаници избрани според случаен метод. Истражувањето било реализирано на ниво на цела Македонија, а запазени се етничкиот состав, бројот на гласачи и географската распределба.
Маргина на грешка на оваа анкета е плус или минус 3%.
ПОВРЗАНИ ВЕСТИ
(Фото) Прва ВМРО-ДПМНЕ, втора СДСМ, трета коалицијата „Вреди„: Анкета на ЦРПЦ
Фото: Игор Бансколиев/Илиустрација: ЦРПЦ