Високиот претставник на Европската Унија (ЕУ) за надворешна политика и безбедност, Жосеп Борел рече дека Блискиот исток е „на раб на провалија“ и повика на деескалација меѓу Иран и Израел.
„Ние сме на раб на провалија и мора да се оддалечиме од неа. Мора да нагазиме на кочница и да тргнеме во рикверц“, изјави Борел за шпанското радио Онсе Церо.
Тој наведе дека очекувал одговор на Израел за воздушниот напад на Иран без преседан, но и се надева дека тоа нема да доведе до натамошна ескалација.
Борел оцени дека избивање на поширока регионална војна Блискиот исток „можеби е некому во интерес“ за оневозможување на запирање на воените дејствувања во појасот Газа.
Иран во саботата лансираше стотина дронови и проектили кон Израел, како одговор на израелскиот напад на иранскиот конзулат во Дамаск во кој загинаа седум офицери на Иранската револуционерна гарда, меѓу кои и двајца високи команданти.