Портокалов сахарски песок над Атина
Грчкиот главен град беше покриен со магла која донесе песок од пустината Сахара.
Облаците донесоа прашина од пустината Сахара, со што грчката престолнина Атина стана портокалова.
Според официјални лица, тоа е една од најлошите такви ситуации што ја погодиле Грција од 2018 година.
Слични облаци се надвиснаа над Грција на крајот на март и на почетокот на април, а беа и над делови од Швајцарија и јужна Франција.
Во среда се очекува небото да се расчисти, соопшти грчката метеоролошка служба.
Квалитетот на воздухот се влоши во многу делови од земјата, а во средата наутро античкиот Акропол во Атина не беше видлив поради прашина.
Облакот достигна дури 500 километри северно, до Солун.
На лицата со респираторни проблеми им се советуваше да не се многу надвор, да носат заштитни маски и да избегнуваат физички вежби додека не се расчистат облаците од прашина.
Сахара ослободува од 60 до 200 милиони тони минерален песок годишно.
Поголемиот дел од песокот брзо се таложи на земјата, но некои од малите честички можат да патуваат далеку, понекогаш дури и да стигнат до Европа.
Атмосферата, особено во јужна Грција, стана задушувачка поради комбинацијата на песок и високите температури.
Противпожарната служба во вторник пријавила 25 пожари во последните 24 часа.
Еден пожар избувна во близина на поморска база на островот Крит, каде беа измерени температури над 30 степени Целзиусови, а некои луѓе се евакуирани, јавуваат локалните медиуми.
