Во недела ќе има зголемување на облачноста и услови за провејување на слаб снег на планините и на повисоките места
Денеска утрото ќе биде многу студено, а преку ден ќе има сонце со мала до умерена локална облачност. Ќе дува слаб ветер од променлив правец. Минималната температура ќе биде во интервал од -13 до -5, а максималната ќе достигне од 2 до 8 Целзиусови степени, информираат од Управата за хидрометеоролошки работи.
Во Скопје наутро ќе биде многу студено, преку денот претежно сончево со слаб ветер од северен правец. Минималната температура ќе се спушти до -9, а максималната ќе достигне до 5 степени.
И во сабота ќе се задржи претежно сончевото време со ниски утрински температури. Во недела ќе има зголемување на облачноста и услови за провејување на слаб снег на планините и на повисоките места. Од понеделник времето ќе биде стабилно со пораст на утринските и на дневните температури.