Спорт
(Видео) Немања Бјелица ја заврши кариерата
Српскиот кошаркар Немања Бјелица стави крај на професионалната кариера.
Одлука крилниот кошаркар со прекар Професор ја објави на Инстаграм.
„Дваесет години… И благодарам на кошарката“, напиша Бјелица со видеото во кое собра важни моменти од својата богата кариера.
Сениорската кариера ја започна во 2008 година во Црвена звезда под водство на Светислав Пешиќ, каде остана до 2010 година.
По Звезда настапуваше за Басконија и Фенербахче во чиј дрес беше МВП на Евролигата.
Подоцна остави свој белег во НБА, каде ги бранеше боите на Минесота, Сакраменто, Мајами Хит и Голден Стејт, со кои исто така освои НБА прстен во сезоната 2021/22.
Повторно се врати во Фенербахче, но поради повреда пропушти поголем дел од сезоната 2022/2023, а актуелната ја започна во Звезда под водство на Душко Ивановиќ, по што соработката брзо беше прекината.
За репрезентацијата на Србија настапуваше на Летната универзијада во 2009 година во Белград, со која го освои златниот медал.
По добрите игри во универзитетскиот тим, селекторот Душан Ивковиќ го повика него и уште четворица соиграчи на подготовките на сениорската репрезентација за ЕП 2009 година во Полска. Во 2009 година го освои сребрениот медал.
На СП 2010 во Турција го освои четвртото место, а играше и на ЕП 2011 и 2013 година.
На Мундобаскетот во Шпанија во 2014 година, Бјелица го освои сребрениот медал со репрезентацијата предводена од Александар Ѓорѓевиќ.
Тој беше еден од најдобрите играчи на тимот, со просек од 11,9 поени, 6,9 скока и 2,8 асистенции во девет натпревари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барнли испадна од Премиер лигата
Саботните попладневни натпревари во Премиер лигата ја разрешија дилемата кој се сели во Чемпионшип заедно со Шефилд Јунајтед. Барнли по само една сезона се враќа во Чемпионшип дивизијата.
Барнли беше поразен на гостувањето кај Тотенхем со 2:1 (1:1), додека на прагот на Чемпионшип е и Лутон, кој во Лондон беше поразен и од Вест Хем со 3:1 (0:1).
Ако Нотингем Форест освои барем бод во дуелот со Челзи, на коло пред крајот и Лутон ќе биде отпишан д Премиер лигата.
За Тотенхем мечот со Барнли беше важен и поради битката за петтата позиција која води во Лига Европа.
Тотенхем се изнамачи за да ги освои бодовите протв Барнли. Гостите водеа од 25.минута со голот на Јакоб Брун Ларсен.
Тотенхем изедначи во 32. минута преку Педро Поро, а победата им ја донесе Мики ван де Вен во 82. минута.
На стадионот на Вест Хем, Лутон имаше сè во свои раце по првите 45 минути. Од шестата минута имаше предност на Локонга.
Сепак, Вест Хем подоцна успеа да воспостваи контрола на теренот и да постигне три гола. Стрелци беа на Ворд-Проуз во 54. минута, Соучек во 66. минута и Ерти во 77. минута.
Кристал Палас како гостин славеше кај Вулвс со 3:1, додека дуелот меѓу Њукасл и Брајтон заврши без победник (1:1).
Сега е извесно дека „страчките“ ќе бидат на шестото место, што ги води во квалификациите за Конференциската лига.
Спорт
(Видео) Нестварен пресврт на Келн, живи надежта за опстанок во Бундес лигата
Фудбалерите на Келн со се вртија по неагтивата од два гола против Унион Берлин и во пресрет на последното коло во Бундес лигата ги задржаа шансите да останат во лигата.
Унион, кој сезонава одигра солидно во групната фаза од Лигата на шампионите, одлично го започна натпреварот во Келн. По 19.минути игра гостите од престолнината имаа водство 0:2. Стрелци Кнохе во 15. и Фоланд во 19.минута од пенал.
До крајот на првиот дел, Кнајц ја намали предноста на Унион.
И во моментите кога некои навивачи веќе почнаа да го напуштаат стадионот, се појави трошка надеж, во 89. минута Тигес со глава погоди за 2:2., а во третата минута од судиското надополнување ерупција од воодушевување предизвика голот на Даунс.
Келн со 27 поени остана на претпоследното место, Унион е прв над цртата со 30 бода.
Лајпциг дефинитивно е во Лигата на шампионите, но се уште е неизвесно дали ќе биде на четвртото место. Таа позиција можеа да ја потврдат и против Вердер, но освоија бод пред своите гледачи – 1:1. Македонскиот репрезентативец Елмас настапи од 64.минута кога влезе на местото на Баумгартнер.
Резултати:
Фрајбург-Ханденхајм 1:1
Борусија Менхенгладбах-Ајнтрахт 1.1
Лајпциг-Вердер 1.1
Келн-Унион Белрин 2:3.
Спорт
УЕФА ќе го казни судијата кој Баерн го чинеше испаѓање од ЛШ
Полскиот судија Шимон Марчинијак, кој во реваншот од полуфиналето на Лигата на шампионите го оштети Баерн во судиското продолжение против Реал Мадрид, требаше да биде еден од клучните судии на УЕФА на претстојното Европско првенство, но поради оваа грешка го загуби тој статус, пишува „Дејли Мирор“.
Марчинијак, длабоко во судиското надополнување, ја прекина акцијата од која Де Лигт погоди за израмнување, со што натпреварот ќе влезеше во продолженија, иако протоколот предвидува дека линискиот судија треба да пушти акцијата да заврши, а потоа, доколку биде постигнат гол, ВАР собата да пресуди дали имало офсајд.
Судијата овде не го направи тоа и затоа играчите на Баерн и тренерот Томас Тухел целосно ги загубија нервите, а УЕФА е незадоволна и од одлуката на Марчинијак и неговиот помошник Томаш Лискиевич и им подготвува санкции.
Марчинијак судеше неколку големи натпревари, меѓу кои и финалето на Светското првенство во Катар, а тој требаше да го суди и воведниот натпревар на ЕП меѓу домаќинот Германија и Шкотска.
Според „Дејли Мирор“, УЕФА ќе му ја одземе таа чест.
Нејасно е дали казната ќе трае во текот на целото Европско првенство или Марчинијак ќе добие шанса во подоцнежна фаза од натпреварувањето.