Фантастично го собираат сосот: 5 форми на тестенини кои треба секогаш да ги имате при рака

Долги, кратки, прави, наполнети, во форма на машна или пердуви… во светот има повеќе од 400 форми на тестенини. Најпопуларни се шпагетите и цевчињата- пените, но секој готвач има свои омилени форми кои сака да ги користи при подготовка на разни јадења.

Магазинот TimeOut направи мало истражување за тоа кои се најдобрите форми на тестенини според мислењето на готвачите, а покрај шпагетите, на листата се најдоа и големи школки и равиоли. Значи, кои тестенини да се изберат? Треба да размислите за сосот или храната со која ќе го послужите.

Колку се помазни тестенините, толку потенок треба да биде сосот. Свитканите или назабените форми се идеални за подебели сосови. Шпагети, како и други долги, тркалезни тестенини, се погодни за повеќето сосови, но не и за болоњезе. За да ја искористите привлечноста на овој сос, најдобро е да се служи со таљатели (долги тестенини, обично широки 5 мм), бидејќи нивните рабови овозможуваат подобар вкус. Многу мали и кратки тестенини, како ѕвезди или кругови, се најдобри во супите.

Широки тестенини

Пошироки од таљатели, потесни од лазањи, папарделите се идеални за обилни и дебели сосови кои често содржат повеќе парчиња месо, зеленчук или печурки. Покрај вкусот и текстурата, готвачите ги фалат овие широки тестенини бидејќи изгледаат елегантно на чинијата.

Големи школки

Conchiglioni, или тестенини во форма на големи школки, се разновиден прилог кој изгледа импресивно на чинијата. Нивната предност е што можат да соберат голема количина сос, но се користат и за ладни салати. Често се полнат со сосови од месо и се печат во рерна, посипани со сирење.

Шпагети

Најпопуларниот вид тестенини одлично се комбинираат со кремасти сосови и рагу, месо и зеленчук. Шпагетите се јадат со ќофтиња, но се служат и со едноставни сосови со лук и маслиново масло или домат.

Оречиети

Orecchiette, или малите ушиња од тестенини се карактеризираат со потенок центар и груби рабови, направени за лесно да го соберат сосот. Оречиетите потекнуваат од Апулија на југот на Италија и традиционално се прават од тенки кругови свежо тесто кои нежно се притискаат со палецот за да му дадат карактеристична форма.

Лингвини

Порамни од шпагети, лингвините имаат поголема површина за впивање на богати, но и лесни сосови. Во Италија, оваа тестенина се јаде со школки и други видови школки или морски плодови. Добро оди со едноставни сосови, како што се класичните маринара, кацио и пепе и аглио е олио (сос од лук и маслиново масло). На задоволството придонесува и ритуалот на тркалање на тестенините на вилушка.