Во израелските воздушни напади врз три куќи во градот Рафа, јужна Газа, загинаа најмалку 13 лица, а многу други се ранети, соопштија локалните медицински служби, пренесува Ројтерс.
Медиумите на Хамас проценуваат дека во израелските напади загинале 15 лица.
BREAKING: Israeli Forces have bombed the homes of Palestinian civilians in Rafah.
There are many dead and injured.
The search for survivors under the rubble continues. pic.twitter.com/YA6Fkg0U83
— Khalissee (@Kahlissee) April 28, 2024
Нападите на Рафа, каде што повеќе од милион луѓе се засолнија од неколкумесечното израелско бомбардирање, се случија неколку часа пред Египет да биде домаќин на лидерите на исламистичката група Хамас за да разговараат за изгледите за договор за прекин на огнот со Израел.
Израел вети дека ќе го искорени Хамас, кој ја контролира Газа, во воена операција во која загинаа повеќе од 34.000 Палестинци, од кои 66 во изминатите 24 часа, според здравствените власти во Газа. Војната расели повеќе од 2,3 милиони жители на Газа и опустоши голем дел од енклавата.
Во неделата, претставници на Хамас изјавија дека делегацијата, предводена од Калил Ал-Хаја, заменик-шеф на групата, ќе разговара за предлогот за прекин на огнот поднесен од Хамас до посредниците од Катар и Египет, како и за одговорот на Израел. Посредниците, поддржани од Соединетите Американски Држави, ги засилија напорите за постигнување договор додека Израел се закани дека ќе го нападне Рафах, според Ројтерс.